ଆୟୋଗ ବିଷୟରେ

ଶିଶୁ ଅଧିକାର ସୁରକ୍ଷା ପାଇଁ କମିଶନ ଆଇନ ୨୦୦୫, ଓଡିଶା ରାଜ୍ୟ ଶିଶୁ ଅଧିକାର ସୁରକ୍ଷା କମିଶନ ନିୟମାବଳୀ ୨୦୦୯ ଅଧୀନରେ ଓଡିଶା ରାଜ୍ୟ ଶିଶୁ ଅଧିକାର କମିଶନ ଗଠିତ | ଓଡିଶା ସରକାରଙ୍କ ତରଫରୁ ଶିଶୁ ଅଧିକାର ସୁରକ୍ଷା ପାଇଁ ଏହା ଆଇନଗତ ତତ୍ତ୍ୱାବଧାରକ | କମିଶନ ଆନୁକୂଲ୍ୟରେ ଶିଶୁ ଅଧିକାର ସୁରେକ୍ଷା ପାଇଁ ଗ୍ରହଣ କରାଯାଉଥିବା କିଛି ପଦକ୍ଷେପ ହେଲା :-

• ଶୋଷଣ, ହିଂସା, ନିର୍ଯାତନା, ଶ୍ରମ ଓ ଚାଲାଣ ଠାରୁ ଶିଶୁଙ୍କୁ ସୁରକ୍ଷା
• ଯୌନ ଅପରାଧରୁ ଶିଶୁଙ୍କୁ ସୁରକ୍ଷା
• ବାଲ୍ୟ ବିବାହରୁ ଶିଶୁଙ୍କୁ ସୁରକ୍ଷା
• ଶିକ୍ଷା ଅଧିକାର
• ସ୍ୱାସ୍ଥ୍ୟଗତ ଅଧିକାର | ଏଥିରେ ପ୍ରାଥମିକ ସ୍ୱାସ୍ଥ୍ୟସେବା, ପ୍ରସୁତିକାଳୀନ ଯତ୍ନ, ଉତ୍ତମ ପୃଷ୍ଟିକର ଖାଦ୍ୟ, ପରିସ୍କାର ପାନୀୟ ଜଳ ଓ ଟୀକାକରଣ ଉପରେ ଗୁରୁତ୍ତ୍ଵ ଦିଆଯିବ |
• ସ୍ୱତନ୍ତ୍ର ଆବଶ୍ୟକତା ଥିବା ଶିଶୁଙ୍କ ଅଧିକାରର ସୁରକ୍ଷା
• ମାଦକ ଦ୍ରବ୍ୟ ଦ୍ୱାରା ନିର୍ଯାତନାରୁ ଶିଶୁଙ୍କୁ ସୁରକ୍ଷା
• କୌଣସି ଅପରାଧିକ କାର୍ଯ୍ୟ ସହ ଜଡିତ ପିଲାଙ୍କୁ ଆଇନଗତ ଓ ଅନ୍ୟାନ୍ୟ ସୁରକ୍ଷା ସୁନିଶ୍ଚିତ କରିବା
• ଖେଳ ଓ ମନୋରଞ୍ଜନର ଅଧିକାର

କମିଶନ ଏହି ସବୁ ଅଧିକାରର କାର୍ଯ୍ୟକାରିତାକୁ ତଦାରଖ କରିବା ସହିତ ଅଭିଯୋଗର ତଦନ୍ତ କରିବେ | ଏଥି ସହିତ ନୀତି ନିର୍ଦ୍ଧାରଣ ଓ ସଂଶୋଧନ ପାଇଁ ସରକାରଙ୍କୁ ପରାମର୍ଶ ଦେବେ |